Təşkilat haqqında

Ev / Təşkilat haqqında

Beynəlxalq Təhsil üzrə Amerika Şurası öndə gedən, qeyri-kommersiya əsaslı beynəlxalq təşkilat olub, bir-birilə getdikcə daha əlaqəli olan dünyada ayrı-ayrı şəxslər və qurumlara müvəffəqiyyət qazandıran təhsil imkanlarını təqdim edir.

Akademik mübadilə və xarici dil proqramları, həmçinin təhsil üzrə inkişaf proqramları vasitəsilə Beynəlxalq Təhsil üzrə Amerika Şurası fərdi perspektivləri genişləndirən, bilik artıran və anlaşmanı daha da dərinləşdirən innovativ proqramlar irəli sürür və həyata keçirir. Digər ölkələrdə və mədəniyyətlərdə yaşamaqla bizim iştirakçılarımız dünya mədəniyyətindən agah olan vətəndaşa çevrilir, beləliklə ortaq anlaşmaya və uğurlu beynəlxalq əməkdaşlığa töhfə vermiş olurlar.

1970-ci illərdə Avrasiya və Amerika tələbə və müəllimləri üçün ilkin mübadilə proqramlarının həyata keçirilməsindən başlamış bu gün ABŞ və Yaxın Şərq, Cənubi Amerika, Asiya və Afrika arasındakı təhsil proqramlarını dəstəkləyən hazırki təşəbbüslərədək, Amerika Şurası məlumatlı və güclü qlobal vətəndaşlar yetişdirən xaricdə təhsil proqramlarını reallaşdırır. 1974-cü ildən bəri Amerika Şurası rəqabətcil beynəlxalq təhsil proqramlarını həyata keçirdiyi icmalarda bu icmaların ehtiyacların cavab verməkdədir. Həmin təhsil proqramlarına akademik mübadilə və dil proqramları, test və qiymətləndirmə, peşəkar təlim, ictimai inkişaf və elmi araşdırma proqramları daxildir.

Amerika Şurası haqqında ümumi məlumat, həmçinin beynəlxalq şöbələrimiz və qlobal təsirimizin, eləcə də təşkilatımız barədə maraqlı faktlar və göstəricilərin əks olunduğu broşürü (ingilis dilində) oxumaq üçün bura toxunun.

Missiyamız

Beynəlxalq təhsil, akademik mübadilə, (amerikalı tələbələr üçün) xarici dil proqramlarında lider olmaqla, Amerika Şurası bir-birilə getdikcə daha əlaqəli olan dünyada ayrı-ayrı şəxslər və qurumlara müvəffəqiyyət qazandıran təhsil imkanlarını təqdim edir.

Gələcəyə baxış

Amerika Şurası dünyaca bilikli vətəndaşlar, uğurlu qurumlar və mötəbər millətlər dünyasını qurmağa yardım edir.

_______________________________________________

Əlaqə

Vaşinqton, Kolumbiya Federal Mahalı,

Norz Uestern Sut küçəsi 1828, DC 20036

Tel: 202-833-7522

Fax: 202-833-7523

info@americancouncils.org